ИНФОРМАЦИИ

ЗА ТРКАТА

Cevahir Tower Run се роди како соработка помеѓу АК Работнички и Cevahir Sky City. Оваа трка е прва од овој карактер во Македонија, и единствено место на коешто истата може да се одржи е токму Cevahir Sky City, комплекс составен од 4те највисоки кули во Македонија, секоја со по 40 ката и 130м височина.

ПРОТОКОЛ НА ТРКАТА

Пријава за трката може да направите тука. Бројот на учесници ќе биде ограничен (250) На секои 30 секунди по еден натпреварувач/ка ќе тргнува од стратната линија до самиот врв на кулата Ц т.е. ќе има за задача да ги искачи сите 41 кат. На врвот секој ќе добие медал за успешно завршена трка и фотографија со единствениот поглед од кулата Ц на Cevahir Sky City.

Трката е влезена во календарот на светската асоцијација Tower Running World Association, која што ги надгледува трките од овој тип, и Cevahir Tower Run од следната година ќе стане рамноправен член на оваа асоцијација, со што ќе привлечеме светски познати тркачи по скали.

ФАКТИ ЗА ТРКАТА

41 КАТ

752 СКАЛИЛА

9:00

ПРВ СТАРТ

СКОПЈЕ

ЛОКАЦИЈА

41 КАТ

752 СКАЛИЛА

9:00

ПРВ СТАРТ

СКОПЈЕ

ЛОКАЦИЈА

ПРИЈАВУВАЊЕ ЗА ТРКАТА

Пријавувањето за трката е возможно само онлајн преку порталот за пријави www.smartrace.club
Бројот на учесници е ограничен (250-300), ве советуваме да побрзате со пријавување.

КОТИЗАЦИЈА

Котизација за учество на трката
– до 17 ноември или до пополнување на предвидените места – 850 ден
Плаќањето се врши онлајн или преку уплатница во банка. Начинот го бирате при самиот процес на пријавување.

СОДРЖИНА НА СТАРТЕН ПАКЕТ

– Стартен број со чип
– Маица со лого на трката
– Медал за успешно завршена трка
– Фотографии преку апликацијата Pic2Go
– Прва помош во случај на незгода
– Онлајн резултати и диплома
– Осигурување од повреда за време на трката
– Подароци од партнерите на трката

ПОДИГАЊЕ НА СТАРТНИ ПАКЕТИ

Стартните пакети ќе се подигаат на 19 ноември пред кулата Ц на Cevahir Sky City од 15 до 18 часот.

НАГРАДЕН ФОНД

Награден фонд е предвиден за први 3 места во машка и женска конкуренција:
1 место – 9.000 ден
2 место – 6.000 ден
3 место – 3.000 ден

СТАРТ НА ТРКАТА

Првиот учесник/чка ќе стартува во 9.00 часот пред кулата Ц, а потоа на секои 30 секунди стартува нов/а учесник/чка. Стартното време го одбира секој/а учесник/чка при процесот на пријавување од понудените стартни времиња. На секој/а учесник/чка веднаш по комплетираната пријава (извршена уплата) му/и се доделува стартен број и му се испраќа е-маил со нивното стартно време и стартен број. Се замолува секој да го почитува потврденото време на старт и да биде во зоната на старт пред кулата Ц најдоцна 10 минути пред својот старт.

ЦЕЛ НА ТРКАТА

Целта е на врвот/терасата на 41 кат на кулата Ц. После излегување на терасата учесникот/чката поминува низ целната капија каде му се регистрира неговото/нејзиното време, добива медал за учество во трката, добива освежување и се прават неколку фотографии со уникатен поглед од врвот на Џевахир кулите. После фотографирањето учесникот/чката се упатува кон еден од лифтовите со кои се симнува во стартната зона пред кулата Ц каде може да ги следи резултатите од останатите учесници.

Заради ограничениот простор на терасата на кулата Ц задржување повеќе од 3 минути нема да биде дозволено.

ПРОГРАМА НА ДЕНОТ НА ТРКАТА

На денот на трката пред кулата Ц, кадешто ќе биде и старот на трката ќе бидат поставени штандови од нашите партнери и видео бим на којшто ќе може да се следат резултатите во живо и видео стрим од врвот на кулата Ц.
08:45 – Пристигнување на старт на првите учесници и навивачите
09:00 – Старт на првиот/та учесник/чка, потоа на секој 30 секунди стартува следен/на учесник/чка
11:30 – Старт на последниот/ната учесник/чка
11:40 – Прогласување на победниците на бина пред кулата Ц
12:00 – Забава и дружење на сите учесници и публика пред платото на кулата Ц
13:00 – Официјално затворање на настанот

ПРАВО НА УЧЕСТВО ВО ТРКАТА

Право на учество во трката има секој со наполнети 14 години. Со самата пријава секој/а учесник/чка ги прифаќа условите на трката.

ПРВА ПОМОШ

За времетраење на целиот настан екипи на Црвениот Крст и Брза помош ќе бидат распоредени пред, на скалите и на терасата на кулата Ц. Доколку ви е потребна лекарска помош пред трката, за време на трката и по завршување на трката на терасата ве молиме да се обратите до нашите волонтери кои ќе бидат распоредени на стартот и целта и на секој кат на скалите за да повикаат лекарска екипа.

РЕЗУЛТАТИ И ВИДЕО СТРИМ

Резултатите од трката ќе можат да се следат во живо на нашата веб страна или на веб страната на нашиот партнер www.tagtiming.mk

Исто така преку нашиот YouTube канал и поставениот видео бим на стартот (пред кулата Ц) ќе може да се следи видео стрим во живо од влегувањето на целта на секој/a учесник/чка.